給仲未開始砌的爸打們一些貼士：
1. ABS膠水唔好買黃蓋圓樽果款，我覺得太杰，好難用，尤其係d比較細/幼的接合位，要搽到唔出界真係有d難度。 唔知雙星方型樽果款會唔會好用d。
2. 後來我買多樽GSR的強力溶着剤，呢款係流し込式，我用來對付d比較細/幼，而且唔顯眼的接合位。
3. AA膠白化，好煩，尤其銀色漆小小白都已經好覺眼，想抹走d白化就連d銀漆都抹到兩截色。
4. 有一d螺絲位係非常的緊（例如頭鏟側邊d螺絲），出盡力都擰唔入。 唔好夾硬嚟，可以落少量潤滑油入螺絲窿，再擰就好暢順。
5. 送果支螺絲批只係玩具一支（雖然第8期有個adaptor套住會好揸dd），都係乖乖地買套正經d的批吧。
6. 第一期教話用張沙紙來磨走接合位d油漆其實有d老點，之後會教用筆刀刮走d油漆先至快靚正。 (提一提銀色漆係好容易揩花，要小心d。)
7. instruction有d螺絲名係錯的，要自己執生。 （第55期有errata，不過我見到時都已經砌咗，所以冇理佢，唔知改咗仲有冇錯）
8. 第57期d安全帶只係用雙面膠紙係黐唔實的，要落d萬能膠。
9. 前輪懸臂d炭纖水貼如果等到第78期先貼會有d難度，建議未裝前輪落車頭前先貼好，不過貼好之後就要小心d唔好整爛。
10. 值得讚係分咗咁多期都冇話欠件/錯件，QC算做得唔錯（因為產量少吧）。 不過花件都難免有幾件，當睇唔到算。
之前代理預告會引入其他產品，不過經過今次之後我應該唔會再落疊，一來貴，二來85期實在太漫長，三來砌完冇位放。
對我來講，冇得逐期買要一次過付款反而唔算大問題，我估應該係代理見到好多人斷供、零售散客越來越少先會有咁嘅安排。
不過既然要人一次過付款，最好就每星期寄幾期，等d人早d全套收齊，話唔定會吸引到一d有米而又冇咁好耐性的人玩。
除了跟指示組裝之外，我亦稍作了小量改動。
用大頭針取代原本那條天線：
碳纖水貼及底盤黑色部份噴上透明啡，增加層次感：
駕駛倉加了些貼紙及碳纖水貼：
引擎的改動最多，加上一些細節。 原裝的引擎很多細節都被省略，而且被不能拆除的engine cover覆蓋，浪費了這副合金制的引擎：
車頂camera貼銀色貼紙當鏡頭：
忘了影車底，有打磨平及油啞黑色，因為原本的膠料很容易黐塵：
頭懸臂加兩條銀邊，見好多人都會咁做：
引擎的Mercedes Benz牌是自製的，六角螺絲是用壽屋的現成品，原裝引擎完全忽略了這部份。 Injector cover box亦要作適度修改。 Engine cover改成用磁石固定，可以拆除重現出引擎：
車尾燈原本是全塊透明，我將適當部位油黑：
死氣喉噴燒鐵色陰影，及開洞。 Radiator滲黑線增加立體感：
左右唔對稱的死氣喉，係全套模型的最大敗筆：
參考真車，車身加上適量螺絲釘：
軚盤加小量細節：
Rear cover本身不能完全密合，要加倒勾扣緊：
Cockpit side protector內加了磁石吸實車身：
亂入的同比例MSC頭盔：
亂入的賽車女郎：
自制的展示箱：
底盤用木夾板，黐木紋膠貼及碳纖膠貼。 內藏磁石固定架車：
請問 有貼紙的是哪一期 現在還買的到嗎？謝謝
回覆刪除